影片
更多
2012-12-30
180 浏览
平時我只會上openrice睇食評或睇食店地點，食完就算有少少唔對路都唔會投訴，因為始終口味各人不同，自己唔鐘意咪下次唔去！但今次我忍唔住，食完之後返到屋企第一件事係上黎寫呢編嘢，唔係希望佢會改到，只係唔想再有其他人中伏！傍晚六點幾，又一城大部份食店都大排長龍。作為一個肚餓嘅大肚婆，唔想企又唔想等，故此行咗去呢間無人等位嘅食店，未入之前其實都無乜信心，點解人哋寧願排隊都唔唻呢度呢??見到門口個餐牌，一個定食連加一都平均200蚊，心諗，可能因為貴咗少少所以無人啦，於是坐低叫咗個虎蝦天富羅定食。不到十分鐘，定食到，亦係惡夢開始。啲飯唔熱又乾，一啲都唔似珍珠米，完全無飯味。蒸蛋入面嘅肉粒係羶嘅。最有問題係虎蝦，單睇外表無事，而且炸得幾靚，但一口咬下，頭嗰吋幾長都係炸粉，隻蝦實際只有兩吋長，食指咁粗，我從未見過咁細嘅虎蝦。而口感方面，同蝦干無異，又乾又硬，唯一同蝦干嘅分別係蝦干有鮮味，而呢幾隻蝦係一啲味都無！由於肚餓同自己平時都係多一事不如少一事，我都係食飽先叫個部長過黎。叫佢埋單之外再同佢反映食材有問題，本來希望得到佢一句「唔好意思」，但佢回應我「哦，咁幫你上埋甜品啦」，完全無悔意，而且仲即
傍晚六點幾，又一城大部份食店都大排長龍。作為一個肚餓嘅大肚婆，唔想企又唔想等，故此行咗去呢間無人等位嘅食店，未入之前其實都無乜信心，點解人哋寧願排隊都唔唻呢度呢??見到門口個餐牌，一個定食連加一都平均200蚊，心諗，可能因為貴咗少少所以無人啦，於是坐低叫咗個虎蝦天富羅定食。
不到十分鐘，定食到，亦係惡夢開始。啲飯唔熱又乾，一啲都唔似珍珠米，完全無飯味。蒸蛋入面嘅肉粒係羶嘅。最有問題係虎蝦，單睇外表無事，而且炸得幾靚，但一口咬下，頭嗰吋幾長都係炸粉，隻蝦實際只有兩吋長，食指咁粗，我從未見過咁細嘅虎蝦。而口感方面，同蝦干無異，又乾又硬，唯一同蝦干嘅分別係蝦干有鮮味，而呢幾隻蝦係一啲味都無！
由於肚餓同自己平時都係多一事不如少一事，我都係食飽先叫個部長過黎。叫佢埋單之外再同佢反映食材有問題，本來希望得到佢一句「唔好意思」，但佢回應我「哦，咁幫你上埋甜品啦」，完全無悔意，而且仲即刻叫個junior黎同我收錢，驚死我會叫佢俾discount咁。好啦，我錢又俾埋，坐多咗超過五分鐘都未有所謂嘅甜品。於是我開始用有火嘅眼神厲住個部長，佢見勢色唔對先叫另一個junior攞兩粒雪米糍比我。老實講，我厲住佢並唔係要佢俾甜品我食，我係比多次幾會佢同我道歉。但係佢仍然逃避我。
最後我就厲住佢起身走，佢無法之下先過黎同我講byebye。我就話「我以為你會繼續避我」，佢最後先係門口細細聲lur岀「唔好意思」，但要我咁迫佢先至等到一句不由心嘅道歉，實在無意思，一個不知悔改的領導加差的食材以致令人感到不合理的收費，所以不再有下次！！！
张贴