殿糖級 (已結業)

咁耐冇約朋友食野，好似冇晒朋友咁...今日終於忍唔住，同朋出左街食飯，呢段時間有太多野要分享，飯後再食埋甜品...咁先係真正嘅生活。我叫左個楊支甘露，好足料，椰汁唔係太甜，岩晒我地想食甜品但係又怕肥既人😝，食完都唔會太有罪惡感。朋友叫左個心太軟配雪糕，如果一個人食都幾飽...即叫即整，等左十幾分鐘，一切開果然有流出朱古力漿，雖然唔係新野，但好好味另外店內好d暗，岩晒傾計，講耐d都唔怕，店員又冇催我地走，不過廁所就真係太細。