翠園粉麵燒味海南雞 (已結業)

同朋友去杏花村街市買火鍋材料，經過見到有間粉麵店, 店舖唔算大，但簡單整潔，都唔侷促嘅。小店主打泰廚主理嘅海南雞飯，套餐只係$48蚊，包海南雞、白飯/油飯、油菜同埋飲品，價錢好經濟。雞肉分量十足，肉質好嫩滑，雞味都濃厚，蘸醬香辣又酸，好野味!係老闆自家製，小店肯花心思自已整醬料，好有誠意！其他招牌菜仲有泰式豬手飯、清湯同咖哩牛坑腩、燒味同埋傳統粉麵，朋友叫左手打魚蛋粉，大大碗分量十足，$25蚊咋, 好抵食。除夕都有驚喜！