大力素食

朋友推薦我到朗屏試這間大力素食，聽聞疫情前經常大排長龍。雖然近日香港經濟不景，但店內仍然座無虛席，客人絡繹不絕。一個人叫咗佢嘅欖角蜜汁烤叉燒同埋豉汁雞卷唐生菜，預咗食唔晒打包，但一場入到嚟，當然要試多啲名菜。老闆很好人，知道我長途跋涉特登由紅磡入嚟，送咗例湯同埋一兩款小食俾我試吓。粉葛素湯煲得非常鮮甜入味，一啲都唔係出邊嗰啲例水。春卷同炸雲吞都係新鮮炸出嚟，脆卜卜之餘又皮薄餡靚，條春卷啲素菜滿滿咁充斥喺春卷皮內，而炸雲吞內亦有雲耳及與蝦肉非常神似的素肉。欖角蜜糖烤叉燒做得像真叉燒一樣，每件叉燒的邊都是有少少焦燶，蜜糖表面調得恰到好處，像在吃真的叉燒一樣。豉汁雞卷唐生菜的雞卷內有紅蘿蔔西芹及素肉條，西芹仍然爽脆，雞卷亦包得紮實。豉汁涼瓜粒一起炒，顯得雞卷更加鮮味。整體來說這間大力素食非常值得推介，食物美美，店面乾淨二工人手充足，服務態度亦10分良好，不枉我長途跋涉去吃。

朗屏B1出口，落樓梯後向右轉直行掃分鐘便到。

粉葛素湯

1

酸齋加咖喱齋

豉汁雞卷唐生菜

欖角蜜糖烤叉燒

每件叉燒的外邊都有微微焦燶， 十分香口

#美食日記 -素食篇

炸春卷內部，西芹仍然保留爽脆

炸雲吞內部

貓店長很友善，俾人摸同埋會擺尾