鮮味園粥麵

营业中

休息中

平時對衣啲小舖好少寫食評，但今次真係不吐不快，其實之前食過佢嘅炒麵，味道都可以，今次叫左碗粥同埋想試吓佢嘅炒米，就叫左鴛鴦炒麵（炒米粉加炒麵），嚟到時碟麵是微暖都算，米粉數得出有3條好幼嘅椰菜絲同2條蘿蔔絲，又冇味，可能碟野都凍，米粉又硬，咁我見有職員行過，忍唔住同佢講，話你地啲米粉冇餸，似齋米粉，咁職員答我，佢話因為我叫鴛鴦炒米，因為比平時一碟米粉嚟講相對夾少左，所以好難夾到一啲菜俾我，心諗呢個都係原因咩，佢解釋話冇撈勻就夾，咁啱果邊夾唔到啲菜喎，咁如果你哋啲米粉係多菜絲，跟本就唔駛撈勻都有菜啦！當時真係好想講，咁你夾果陣睇都睇到有冇菜啦，咁你夾之前都可以撈勻再夾俾我姐，咁問題即係你身上啦！不過當時我就冇出聲，費事為咗啲菜絲同佢爭辯，但聽到佢衣個解釋，真係好唔feel good ，跟住佢仲話如果你想要多啲菜，你就一早同我哋講，心諗我第一次食，鬼知你哋係冇菜咩，如果知道就唔叫啦！之後佢就再夾多幾條菜絲俾我，唉！好似施捨俾我咁，當下感覺真係好唔舒服，勉為其難再食少少，發現佢哋啲米粉有啲炒到一嚿嚿，真係食唔落，完全中伏！