萬芳茶記

营业中

休息中

點了辣雞丁湯意粉，嚟錯沙甸魚湯意粉，即時同黑衫嘅職員講，佢第一次回覆叫我照食，另外比返雞丁我，已同佢講因為好怕魚味，所以拒絕了。見佢拎返入廚房，再拎有雞丁嘅意粉出嚟，但明顯見到頭先啲沙甸魚嘅魚皮碎，再同佢反映，佢再次拎入廚房。過咗一陣另一個白衣職員又再次拎返頭先咗碗雞丁意粉出嚟（重覆因本人好怕魚腥味）所以一聞就聞得出又係頭先咗一碗，即時再投訴，佢哋先重新整過一碗辣雞丁湯意粉比我。落錯單都算啦，你哋整過比我咪得囉，點解要將同一碗意粉拎出嚟三次？第三次以為搵另一個職員拎出嚟扮唔知就得呀？你哋係唔係當啲客傻㗎？