金裝燉奶佬餐廳 (青怡薈) (已結業)

因將將會搬入青衣住，食左幾次呢間燉奶佬，頭一次已經覺得侍應不瞅不睬，近次食完行去收銀處放底張單俾錢，個男人（矮細粒） 完全冇反應喺度計自己啲數 ，我再講一次唔該 都係冇反應， 跟住我再話唔該趕時間，佢就好唔耐煩𡁻咗一聲 ， 重用眼神掘住我， 將抓俾我嘅錢大力掉落枱面，講真 食物已經唔係好食啦，仲要咁嘅服務態度 ，唔會再去幫襯囉，感覺好受氣， 香港侍應服務態度大多數都唔好， 現在明白點解咁多人上大陸消費， 因為食得開心服務態度又好， 好在呢間唔係旅遊區，唔係香港真係多得佢唔少。