船記

之前聽人講過呢間野幾好食，所以帶屋企人黎慶祝生日。一入座發現坐位係超級窄，基本上係同隔離枱凳貼凳，出入困難，隔離枱不停有人出出入入，要不停起身讓位。而成間餐廳係超級嘈，隔離枱講野係完全聽到哂，自己傾計都要好大聲，同去左大排檔無咩分別！

野食係幾好食既，不過成晚記憶點就係職員既服務態度。d 職員好忙，長期都搵唔到人，期間有碟餸好耐都無黎（超過45分鐘），問個男經理想睇下係咪漏左單，佢即刻黑我面，話廚房冧哂檔做唔切，叫我體諒下人。？？？？？我好聲好氣問下，完全無投訴意思，咁都叫唔體諒？

如果做唔切，係咪要考慮唔好set 到個場咁逼，俾人book 咁多張枱呀？