嘆炭燒 (新文華中心) (已結業)

8：30晚飯時間。一入到去，兩張雙人檯俾啲店員坐左，得返4人檯。咁我好自然行去4人枱。跟住個收銀女店員即刻大嗌“坐雙人檯啊”。我心諗，唔係我唔想坐，係你自己同事坐哂喎。。幾個店員見我企係側邊，先慢慢起身讓返個位俾我坐。。我點咗佢哋嘅食肉皇冒菜套餐，5個餸跟碗飯，但白飯份量好少，係正常碗大小嘅半碗唔夠。平時食冒菜，因為餸同湯都比較多，其它鋪通常都唔會跟咁少飯。咁我就問店員話唔好意思可唔可以要多少少飯。佢話要加$16蚊。咁我話咁唔洗由佢。佢嘅臉色即刻好不滿咁，好似鄙視我唔願意加錢咁，然後擰轉面走左去。。套餐價錢本來唔算低（60蚊）。額外要飯，要加錢，好正常。但佢個份量係特別少。感覺佢地係想博客人加錢點多碗飯，因為冒菜咁濃味咁多湯，好難就咁食餸食得哂。而且啲餸份量亦唔多。食完完全唔飽。總括黎講，服務差，份量少，味道普通。睇到其他食評都提到啲店員態度差。似乎係一向都係咁。十分不建議食。