更多
2021-05-06
4120 浏览
平日lunchtime IFC周围都排队,见呢间无咩人喺门口,虽然唔平但都快快趣食个lunch番去做野啦。我朋友去左霸位先,入到去企左阵都无人理我,个hostess行过我就「唔该...」,佢继续行理都唔理我。忙呀嘛,咁我自己入去揾啦。坐低后叫左两个lunch set, 一个系烧鸡便当,另一个系两碗唔同款既mini don。等左廿分钟,终于黎第一个就系两碗mini don, 到左之后我同我朋友都呆左,个盘咁大,得两碗小得可怜既饭同一碗都系好细既面鼓汤,无任何配菜。饭只系啱啱舖到个底,连埋𩠌都去唔到个碗既一半高度。而咁样既一个set承惠260元正。又等左十分钟,我个鸡便当都终于黎。不过不失。但等到太饿拿拿林食完就走。相都无影。我朋友仲惨,饿住黎饿住走,连细食既女仔都无可能饱。我地坐既系四人枱所以隔黎吉左半张枱,喺我地进食期间,服务员行过喺张吉枱度整理单据入收钱既夹入面。茶餐厅无所谓,高级日本餐厅咁样都几o嘴。贵,份量少,味道差,上菜慢,零服务。呢间野真系无二,无第二次。
我朋友去左霸位先,入到去企左阵都无人理我,个hostess行过我就「唔该...」,佢继续行理都唔理我。忙呀嘛,咁我自己入去揾啦。
坐低后叫左两个lunch set, 一个系烧鸡便当,另一个系两碗唔同款既mini don。
等左廿分钟,终于黎第一个就系两碗mini don, 到左之后我同我朋友都呆左,个盘咁大,得两碗小得可怜既饭同一碗都系好细既面鼓汤,无任何配菜。饭只系啱啱舖到个底,连埋𩠌都去唔到个碗既一半高度。而咁样既一个set承惠260元正。
又等左十分钟,我个鸡便当都终于黎。不过不失。但等到太饿拿拿林食完就走。相都无影。我朋友仲惨,饿住黎饿住走,连细食既女仔都无可能饱。
我地坐既系四人枱所以隔黎吉左半张枱,喺我地进食期间,服务员行过喺张吉枱度整理单据入收钱既夹入面。茶餐厅无所谓,高级日本餐厅咁样都几o嘴。
贵,份量少,味道差,上菜慢,零服务。呢间野真系无二,无第二次。
张贴