燒烤屋 (已結業)

行咗一輪商場，時間差唔多，好多餐廳都陸續收檔，唯獨呢間燒烤屋係少數仲做緊生意嘅餐廳，所以我地都決定坐低試下。串燒嘅價錢唔算貴，亦都唔算抵食，而味道亦都好普通，可以話所有串燒都係同一種味道醬汁既味道，無乜特別，當填飽個肚就算～反而甜品Crepe就比較吸引，鮮雜果忌廉朱古力味 HKD30 香蕉朱古力味 HKD24可麗餅餅皮嘅厚度啱啱好，唔薄唔厚，食落好煙韌，只喺無乜蛋味。個人比較鍾意鮮雜果忌廉朱古力味，粒粒嘅水果肉配上香濃軟滑嘅忌廉同朱古力脆粒 口感豐富，味道多元化之餘，又唔會顧此失彼。相比之下， 香蕉朱古力嘅味道就顯得有啲單調。