美美茶餐廳 (已結業)

ALAN演唱會一定人多, 我地去返上次果間美美, 但上網一睇, 咁多差評語, 我有D怕, 但DFIREND又忍唔住頭20位7折, 又去多次, 一行8人, 如果D野唔掂我諗間舖一定死硬, 因有個FRIEND係好煩, 一發火就係人都怕怕, 我地叫左美美焗豬扒飯, 麻辣烏冬, 白汁芝士焗龍利飯, 炸雞比飯, 仲有一個常餐, 仲D有唔記得左, D野飯又唔差呵, 可能換左廚房, 因為D焗飯唔同上一次, 今次有水準,豬扒好多汁, 唔乾, 烏冬好麻,好辣, 我試左一D, 但我唔食得辣, DFRIEND話好食, 仲有一個超大塊既吉列豬扒,(有相為証),配咖哩汁一流, 塊豬扒大過我隻手掌, 這個我一定會番食, 最後老細收錢時話呢幾個月換左妳多個廚房, 而家呢兩個最"似人", 哈哈, 9月仲有驚喜, 又唔講係咩, 懶伸秘, 總括服務幾好, D伙計幾醒, 開心的一餐飯, OK