牆身兩邊都充滿歐式風情嘅油畫。
望上天花燈罩花瓶造型都別具特色。
仲有木吊扇都好別致。
餐牌都幾多選擇，仲有一張精選小菜。
一行二人，就叫三個小菜。
砵酒美國桶蠔煲 $178
桶蠔size 好大隻，total 有5隻。
上碟滋滋聲，香氣噴滿整桌。
蠔肉紮實飽滿，調味惹味佐酒佐飯。
話梅醬汁豬扒 $88
雖然豬扒外貌唔討好，未食以為煮到燶左。
但食落原來係話梅味黎ga!
豬扒唔痴牙，陣陣話梅酸甜味，感覺解膩開胃。
蒜蓉蒸開邊蝦烏冬 $178
蒜蓉開邊蝦有5隻，用稻庭烏冬替代平時粉絲嘅概念。吸味雖不夠粉絲理想，勝在彈牙有咬口。
