渝味曉宇重慶老火鍋 (聚賢逸居) (已結業) 查看

又过左去西营盘探亲戚，见到附近有间打边炉，好似几吸引咁，自称边炉控既我，竟然未试过中午打边炉，所以决定入去试下。餐牌上款式好多，好多都好吸引想食，点餐之后，侍应就送上「红枣雪耳糖水」俾我地滋润一下。我叫左一边系重庆麻辣，另一边系羊肉汤，分开两边，岩晒唔食羊肉既我，鲜虾一串串，算大只，同埋好新鲜，啲肉透明，美国Prime牛小排既脂肪分布好平均，正系睇到呢个样已经急不及待想渌返一块食下先。羊肉卷都好新鲜，虾滑同桂花蚌好新鲜，睇见已经忍唔到手即刻放落个煲度，佢仲有提示教你渌几多分钟系最好食添～其他蔬菜品种都多，岩晒食完肥腻野食返啲蔬菜清一清个肠。呢间火锅店依家推广紧「生酮火锅，食住瘦」，下次可以试下㖞，呢排兴「生酮饮食」我都要跟一跟个潮流～