Gecko (已結業)

Item: Gecko
Rating: 0
Author: chechefung

4 食记

味道

环境

服务

卫生

抵食

660

中环

$101-200

多国菜酒酒吧

chechefung

等级1

昨晚同幾個女仔朋友喺中環食完飯諗住搵個地方飲嘢，但又唔想去 LKF 咁嘈，所以去荷里活道附近搵間靜靜地的酒吧，經過石板街時見到有條巷，見到有個燈箱寫住 IB Whisky & Live Jazz，我們當時就諗住入去八下，去到時只係得一個琴師彈琴，仲以為有我最愛的 Saxophone 添。不過間嘢入面唔多人，只係得幾個鬼佬，貪佢靜靜地就入去坐低。反正我地都只係想飲下嘢傾下計，又有人彈琴都幾好丫，坐低後個 Waitress 都幾有禮貌，我問佢有咩介紹，佢就問我地飲唔飲 Whisky ，當時心諗...乜都「哽」呀，同佢講未試過架喎，然後佢打開個 Menu 好細心咁同我們解釋同分享。哈哈哈..... 乜飲酒都要上堂架咩~ 咩叫 IB Whisky 真係未聽過。小妹真係大鄉里出城，不過由於唔想浪費人地一番好意，我們就試下啦，反正又唔係貴，只係百幾蚊一杯。無幾耐他們拿了幾個杯來，一杯係水，一杯係冰，一杯係Whisky，仲有杯西芹添。心諗，我叫一杯點解來了四杯，仲有西芹添，咁攪笑? 點知個 Waitress 話，水係比我們自己用來溝，冰係如果想加冰飲就將啲酒倒落去，而杯西芹就係比我們清下個口頭先食完

111 浏览

0 赞好

0 留言

反正我地都只係想飲下嘢傾下計，又有人彈琴都幾好丫，坐低後個 Waitress 都幾有禮貌，
我問佢有咩介紹，佢就問我地飲唔飲 Whisky ，當時心諗...乜都「哽」呀，同佢講未試過架喎，然後佢打開個 Menu 好細心咁同我們解釋同分享。

哈哈哈..... 乜飲酒都要上堂架咩~ 咩叫 IB Whisky 真係未聽過。

小妹真係大鄉里出城，不過由於唔想浪費人地一番好意，我們就試下啦，反正又唔係貴，只係百幾蚊一杯。無幾耐他們拿了幾個杯來，一杯係水，一杯係冰，一杯係Whisky，仲有杯西芹添。心諗，我叫一杯點解來了四杯，仲有西芹添，咁攪笑? 點知個 Waitress 話，水係比我們自己用來溝，冰係如果想加冰飲就將啲酒倒落去，而杯西芹就係比我們清下個口頭先食完飯啲味道，噢....好細心呀。