大棠路邊小炒 (已結業)

同細妹慶祝生日加做節...大家想食大排檔風味o既晚餐...我就帶o左佢地去食路邊小炒~ 呢度其實我都嚟過幾次ga la~ 一次下晝兩次下午茶...覺得幾抵食同幾好食~ 所以幫佢寫o下食評啦~ 我地叫o左好多o野食...1) 泥煨雞: 雖然應該都係雪雞...不過都真係幾滑wor~ 味道o岩o岩好唔會太咸~ 2) 土茯苓粉葛煲豬骨: 原煲上~ 好足料~ 清甜~ 3) 蒙古烤排骨: 味道其實有d似京都骨~ 幾香口~ 好味!!! 4) 路邊小炒皇: 有好多料~ 特別在佢有油炸鬼~ 而且係香脆ge~ 不過就油o左少少...5) 豉椒炒蜆: 一個字...正!!! 6) 味菜炒豬大腸: 無晒炸大腸...店員就推介呢個俾我地~ 又真係幾ok wor~ 7) 四川豆腐海鮮煲: 辣辣地...仲有好多鮮魷!!! 8) 西蘭花炒鮮魷: 鮮魷多過菜~ 因為小炒皇同海鮮煲都有鮮魷...早知叫蒜蓉炒西蘭花啦~ 失敗~ 總括嚟講...呢度真係有大排檔風味~ 而且又有冷氣又有電視~ 坐低慢慢嘆真係一流~最正就係有免費泊車...仲要大把位~ 星期六日去都唔驚無位泊~ 所以就算佢遠遠地都值得去~