丼丼屋 (健威坊) (已結業)

晚市冇堂食，外賣有8折，始終都係堂食食物新鮮，唯有早啲入座吃晚飯啦！時間是下午4:30，餐廳人不多，店員的服務態度不錯。<吉列豬扒滑蛋丼>雖然吉列豬扒冇被滑蛋沾濕，但豬扒肉汁不夠，口感較乾，脆漿較油，吃得多的時候會覺得膩，滑蛋整得不錯。<十勝豚肉丼>肚餓時見到碗擺滿肉片的丼飯特別開胃，呢款丼飯有普通/特盛，如果係普通豚肉丼，約有4塊豚肉，特盛則有6塊豚肉。最愛這款豚肉丼，燒汁份量剛好，豚肉夾少許肥肉，肉質嫩滑帶焦香味度。飯粒分明夠熱。早點吃過晚飯，早點回家。