洪瑞珍 (德福廣場1期) (已結業)

洪瑞珍係曾經去台灣必買的手信，前年進軍香港，好多人都話太貴又唔好食。因為太耐無食過，經過又見有買五送一，仲要有幾個特別味道，一於試下。當然有招牌火腿同原味起司，不過最特別同令我有興趣係呢個伯爵菜珍珠味。真心blow your mind，不過又幾得意，算幾好食，啲珍珠煙韌得黎好有特色。仲有來自香港味道嘅黯然銷魂三文治，說穿都知係叉燒蛋，又唔錯幾好味。但最失望係芒果味同班蘭味，相對失色，我個人覺得真係好掛住台灣的話，可以試下特別味道，感覺下台灣嘅氣息，講過麵包質感真心唔係台灣個回事。