吉列牛忌廉烏冬專門店 (彌敦道)

营业中

休息中

想揾一间可以比阳光照下，旺角又多楼上食肆，上网揾下揾下就揾到♥吉列牛忌廉乌冬专门店♥，上到去坐窗边，太阳咁岩晒到正🌞呢到除左出名个吉列牛定食，仲有出名咖哩忌廉牛肉乌冬，不过天口好热，唔系太想食Ｄ重忌廉既野，就拣左味噌蟹盖配紫菜饭团。吉列牛定食 $148定食除左有饭有同埋吉列牛之外，仲配左味噌汤，前菜仲有麻酱蕃茄仔仲有日式豆腐，都几开胃架！吉列牛配埋个铁烧锅，自己烧，想要几熟可以自己控制。个牛本身系生生地既，就算我烧到佢做全熟，都系好食。吉列牛个味好好，配饭一流呀！味噌蟹盖配紫菜饭团 $58我见蟹膏都hit左一排，心郁郁又想试下蟹膏送饭系咪真系咁正呢～～UM....食落去好似又无其他人讲既咁好，只能够说都还可以啦。。。佢本身配埋紫菜，包住旧饭，包埋Ｄ蟹膏，好似个饭团咁食，不过得三旧饭，其实唔系食得好饱。