熊小館

营业中

休息中

暑假帶小朋友放電，美食當然不能馬虎！今日同Mina去咗九龍灣MegaBox嘅 熊小館（Cafe MED），全店佈滿大大小小嘅泰迪熊公仔，仲有懷舊木系裝修同柔和燈光，每張枱都有小熊陪食，Mina一入去就興奮到尖叫。 設有兒童遊戲區、繪本閱讀角，仲有生日派對房，小朋友可以玩住等食。 仲體驗到超萌嘅熊仔主題環境，絕對係親子晚餐嘅好選擇🥰🌟深海帶子拼醬燒汁牛柳兩大粒煎到金黃微焦，內裡半透明狀態，鮮甜多汁，Mina話好似食緊海洋糖果🍬牛柳選用左澳洲和牛，Medium Rare火候完美，醬燒汁帶煙燻香，配薯蓉同烤蔬菜，平衡油膩感。鐵板套餐上枱時熱辣辣，牛油仲雕成小熊樣，打卡一流！ 🌟芝士焗蜜桃汁去骨雞腿飯雞腿去骨啖啖肉，蜜桃汁甜酸清新，芝士拉絲效果誘人，Mina搶住食晒。創意配搭蜜桃果香同芝士意外地夾，飯底吸滿醬汁，連平時揀飲擇食嘅小朋友都乖乖清碟。