影片
更多
2025-06-27
160 浏览
晚飯時段人均 $600，整體體驗非常失望，完全唔值得推薦。好奇有咁多”笑臉”+”好評”。1. 催促點餐飲 8:50pm，主菜未食完，侍應已經催我哋快啲落飲品單，理由係水吧要收工。2. 桌面混亂 餐具用完冇即時收走，新餐飲直接擺喺舊碟上，成枱亂晒，完全無位放餐具同杯。3. 流程安排亂 落單時已清楚溝通先完成前菜再上主菜，侍應表示冇問題。但前菜未食完，主菜突然送晒上枱，枱面擺唔落。侍應冇協助整理，整個過程極混亂。4. 職員大嗌收工 9:45pm，侍應通知餐廳10點關門，但OpenRice同Google寫住10:30pm。我哋冇心理準備，但都準備快啲走。到9:52pm，有職員喺廚房走出嚟，喺餐廳位置大聲講：「我哋收咗工啦！」語氣非常不滿。5. 生日安排 喺OpenRice備註幫朋友慶祝生日，入場時再問侍應甜品可唔可以加蠟燭，侍應答應得好爽快，話已經見到OpenRice備注，一定冇問題。但最後完全冇安排，當時服務態度已經差到我哋都覺得無謂追問，令人非常掃興。最後，我哋9:55pm離開餐廳。門口見到幾位侍應整理餐具，但冇人望過我哋，亦冇講一句「拜拜」。嚟呢度食飯好似阻住佢哋收工咁
晚飯時段人均 $600，整體體驗非常失望，完全唔值得推薦。
好奇有咁多”笑臉”+”好評”。
1. 催促點餐飲
8:50pm，主菜未食完，侍應已經催我哋快啲落飲品單，理由係水吧要收工。
2. 桌面混亂
餐具用完冇即時收走，新餐飲直接擺喺舊碟上，成枱亂晒，完全無位放餐具同杯。
3. 流程安排亂
落單時已清楚溝通先完成前菜再上主菜，侍應表示冇問題。但前菜未食完，主菜突然送晒上枱，枱面擺唔落。侍應冇協助整理，整個過程極混亂。
4. 職員大嗌收工
9:45pm，侍應通知餐廳10點關門，但OpenRice同Google寫住10:30pm。我哋冇心理準備，但都準備快啲走。到9:52pm，有職員喺廚房走出嚟，喺餐廳位置大聲講：「我哋收咗工啦！」語氣非常不滿。
5. 生日安排
喺OpenRice備註幫朋友慶祝生日，入場時再問侍應甜品可唔可以加蠟燭，侍應答應得好爽快，話已經見到OpenRice備注，一定冇問題。但最後完全冇安排，當時服務態度已經差到我哋都覺得無謂追問，令人非常掃興。
最後，我哋9:55pm離開餐廳。門口見到幾位侍應整理餐具，但冇人望過我哋，亦冇講一句「拜拜」。嚟呢度食飯好似阻住佢哋收工咁，唔講仲以為佢係收9:30pm。
認真，茶餐廳服務真係好過佢。
總結
呢個價錢，餐廳無論流程、服務態度、細節管理都做得非常差。整體體驗失望至極，唔會推薦任何人嚟呢度消費。
食物質素OK，但係呢個價位，相信有更多更好嘅選擇，呢間餐廳真係完全唔值。
$600嘅趕客體驗。
张贴