西江薈河鮮小館

营业中

休息中

嚟到深水埗大埔道嘅西江薈河鮮小舘，雖然喺大街但店舖唔多起眼，推門入去店舖唔算大，但擺設整齊，枱與枱之間比較有距離，坐落幾舒服。叫咗幾個小食同小菜，五香牛腱、魚餅拼豆腐，蘇梅欖角骨、葵花鴨、xo醬炒陳村粉。先講牛腱，係失敗，味道係ok但可能煮唔夠時間，或者係部位問題咬都咬唔入，同侍應講都同意換第二樣值得一提。欖角骨咸咸香香係幾惹味，不過又唔似好有特色。魚餅豆腐，魚餅係鯪魚肉加咗啲配料煎香，唔錯。豆腐類似玉子豆腐上面係紫菜炸，外脆內嫩。葵花鴨就係鴨，正正常常。Xo醬炒陳村粉就好似炒河粉，都幾惹味，比河粉煙韌。