因為無book位，所以要攞籌等位，見到門口堆滿人都預左有排等，但個fd話想食就陪佢等啦，結果等左足足成粒鐘終於入得喇！
好肚餓，即刻叫野食先~~
「卷物拼盤」：有三款卷物（三文魚、帶子同熟蝦牛油果），食得出係手握，D飯唔會壓得太實，但D料就麻麻地新鮮啦！
「海鮮石頭鍋飯」：哩個飯就唔太得，佢無汁架，所以好乾爭爭；話就話係海鮮，但其實得幾隻蝦同帆立貝，但因為無汁既原故，所以無咩味；食到最尾碗邊癡左D飯焦，但因為一開始無落汁，所以D飯焦就得個燶字，仲要苦苦地，唔掂！
「牛肉鍋」：朋友推薦，個樣望落OK，但得3、4片牛肉，到喉唔到肺咁；個湯底都幾清甜，用黎烚D豆腐、菇菇都幾好味！
D野食唔係話難食既，但要等成粒鐘去食就唔太值得喇！
