添好運點心專門店

营业中

休息中

又一间米芝莲推荐食店，难得经过添好运，有机会试一试当然不错。系门口睇咗一阵有咩食物，犹豫紧食唔好个阵，店员就叫我地入去试下。环境而言，每张枱位置都偏细，坐得有啲逼。赛磅蟹春卷炸得好脆，不过略嫌炸皮有点厚。馅料系赛螃蟹蟹肉，平时比较少见，几特别，蟹味都算突出。晶莹鲜虾饺皮几薄，虾肉都多，啖啖肉。豉汁排骨饭排骨几入味，有阵阵豉油香，同白饭捞匀同食更暖笠笠。蜜味叉烧肠肠粉皮颇滑溜，叉烧都唔错，整体正常。鲜虾烧卖皇每只烧卖上面有一粒杞子，几得意。烧卖内里饀料都几足，肥满饱美。