影片
更多
2025-06-05
1368 浏览
正所謂「三個女人一個墟」，呢晚加埋 #小秘書 ... 我，當然係天下無敵啦😉 難得人齊，梗係要搵間坐得舒舒服服嘅餐廳吹吓水，點啲好嘢食🤤 朋友仔 係 #荔枝角地膽，周不是都會分享 #工廠大廈開倉 情報，同 #美食資訊！從前嘅工廠區原來都有唔少 #臥虎藏龍！呢晚我哋就去到有 #星級廚房 之稱嘅「大公館」開餐... 一於不飽無歸😉嚟到D2一期十樓，打開lift門左手邊就係餐廳嘅正門，以 #中國風 裝飾嘅大門口，非常有氣派！滿戴笑容嘅服務員先為我哋安排好座位，再遞上餐牌為我推介佢哋嘅拿手小菜☺️ *前菜*✨ 清香柚子凍鮑魚醃製過嘅鮑魚咬煙煙韌韌，配上清香嘅柚子肉，一啖一口，令人胃口大開🤤✨ 太雕水晶鵝肝凍用上 #陳年花雕酒 做成啫喱，包住軟綿綿又滿滿油香嘅 #鵝肝 一齊食，味道充滿層次感🤤*主食*✨ 豉油王脆鱗荀殼魚師傅將 #荀殼魚魚皮 炸到好似薯片一樣咁脆，魚肉嫩滑得嚟勁鮮甜，加上甜甜地嘅豉油做調味，整體非常配搭☺️ ✨ 金絲香芒貴妃蝦球#芒果 造成嘅沙律醬配上脆脆嘅 #薯蓉絲，加喺大大隻嘅 #貴妃蝦球 上面，清新嘅味道同海鮮互相輝映🤤✨ 黑糖龍井茶燻雞#黑糖 嘅甜味配上 #龍井茶香，令鮮嫩嘅
嚟到D2一期十樓，打開lift門左手邊就係餐廳嘅正門，以 #中國風 裝飾嘅大門口，非常有氣派！滿戴笑容嘅服務員先為我哋安排好座位，再遞上餐牌為我推介佢哋嘅拿手小菜☺️
*前菜*
✨ 清香柚子凍鮑魚
醃製過嘅鮑魚咬煙煙韌韌，配上清香嘅柚子肉，一啖一口，令人胃口大開🤤
✨ 太雕水晶鵝肝凍
用上 #陳年花雕酒 做成啫喱，包住軟綿綿又滿滿油香嘅 #鵝肝 一齊食，味道充滿層次感🤤
*主食*
✨ 豉油王脆鱗荀殼魚
師傅將 #荀殼魚魚皮 炸到好似薯片一樣咁脆，魚肉嫩滑得嚟勁鮮甜，加上甜甜地嘅豉油做調味，整體非常配搭☺️
✨ 金絲香芒貴妃蝦球
#芒果 造成嘅沙律醬配上脆脆嘅 #薯蓉絲，加喺大大隻嘅 #貴妃蝦球 上面，清新嘅味道同海鮮互相輝映🤤
✨ 黑糖龍井茶燻雞
#黑糖 嘅甜味配上 #龍井茶香，令鮮嫩嘅 #雞肉 味道更加突出😉
✨ #金耳魚湯浸法國菠菜苗
師傅用上 #法國菠菜苗，口感特別柔軟，放入奶白嘅 #魚湯 入面，配埋滑嘟嘟嘅 #金耳 做配菜，健康得來又又好滋補呀🤤
✨ 金蒜瑤柱蒸冰島鰈魚籠仔香苗
師傅將蒜蓉同瑤柱炸香，放上 #籠仔飯 面，米粒透出陣陣嘅香氣，主菜 #碟魚（ #左口魚 ）入口充滿魚油香，軟綿綿嘅魚肉，真係好滋味呀🤤
*甜品*
✨ 金箔懷舊芝麻卷
香濃嘅 #芝麻味道，造成一個舊式菲林嘅形狀，好味得嚟懷舊感十足，啱晒鍾意打卡嘅我哋🤭
呢晚每一道菜都各有特色，而最令我驚喜嘅係佢哋嘅「金蒜瑤柱蒸冰島鰈魚籠仔香苗」，隔咗成晚我都仲記得嗰種魚油香味，有機會一定會帶屋企人去試 🤤 最後要讚吓佢哋服務員嘅窩心服務態度，令 #小秘書 頓時升lev做咗貴賓！非常滿足！
📍大公館 (荔枝角)長義街9號D2 Place ONE 10樓A號舖
张贴
