樂天經典 (奧海城二期)

营业中

休息中

朋友係蟹痴，今日特登約咗佢一齊嚟呢間餐廳試吓佢哋嘅蟹菜。今次揀咗經典自選2人餐，$644，份量都幾足。首先上枱係蒜香紅海蜇頭，份量真係唔少，海蜇爽口彈牙，蒜香味好突出，開胃一流。主角星洲黑胡椒蟹一上枱已經聞到陣陣胡椒香，蟹鉗超大隻，肉質札實又嫩滑，啖啖都食得出新鮮，黑胡椒醬汁好惹味但唔會搶咗蟹味，朋友食到停唔到口。薑蔥爆生魚片都好有驚喜，生魚片嫩滑，炒得夠鑊氣，薑蔥味道啱啱好，唔會蓋過魚味。古早魚香老鼠粉煲用咗特製鹹魚醬，鹹香味濃但唔會太重口味，配埋鮮蛋同唔同配料，食落層次豐富，老鼠粉煙韌又掛汁。最後甜品係清心丸綠豆爽，冰涼解膩，綠豆煮得夠腍，清心丸煙韌，食完一餐咁重口味啱啱好。呢餐真係好滿足，特別係蟹真係新鮮又大隻，價錢合理，服務都唔錯。