夜晚係上環文娛中心睇舞台劇, 趁開場前仲有時間, 係附近搵野食。蘇杭街特式cafe林立, 但係一般6pm就收舖; 反而水坑口街那邊有較多選擇。
朋友推介過呢間車仔麵, 但幾個月前黎過撞啱休息, 今次唔駛摸門釘了！😁
其實車仔麵店既餸菜大同小異, 所以我既策略係揀d平時少見, 而店長又推介既餸。炸魚餅+長洲魚蛋+鹵水蛋+香滑齋, 呢個組合係咪好特別呢！😏 炸魚餅爽口彈牙, 跟齋件既香滑形成強烈對比! 長洲魚蛋體形龐大係人都知, 專登跟鹵水蛋放埋一齊, 不相伯仲。
加碟腐乳通菜, 自家製五花茶, 大滿足!😂
ps. 之後才發現佢既秘製辣汁好馳名, 下次必定要試!
ps2. 店內貼有唔少老闆跟"明星"既合照, 可知舖頭非常出名, 但Uncle對大部分"明星"沒有好感!😂😂😂😏
