韓國屋 (已結業)

大大碗韓國炒粉絲！宜家做緊優惠韓風飯平$10，都幾抵食。不過啲配料其實調味比較重，又或者落咗味精，食完之後非常口渴。韓風飯自由選$48- 我揀咗泡菜炒豬肉韓式粉絲配醬油薯仔同炒魚片，仲送昆布湯。其實呢個自由選都有好多選擇: 有雞、牛、豬、粉絲、飯、蓮藕、菠菜、玉子、中華沙律等等。炒粉絲都幾多油，薯仔甜甜地好味道，魚片比較鹹加上口感唔夠彈牙，泡菜豬肉唔係好辣，撈埋粉絲一齊食啱啱好。不過始終都係肥膩咗少少，同朋友一齊分享會好啲。