辛安東元祖奶奶雞 (已結業)

趁今日重系假期，梗系要约下朋友食好西啦，最近睇得韩剧多，突然好想食韩国野，好彩朋友都冇反对，最后决定左食辛安东元祖奶奶鸡。辛安东奶奶鸡话明镇店之宝，梗系唔系浪得虚名啦，一上菜嘅时候分量多到吓亲我同朋友，虽然我地嗌半只鸡，但其实已经好够食，每件鸡肉质非常嫩滑，加上特制既酱汁食到我地停唔到，除左鸡之外，重有其他配料，包括红萝卜、薯仔、翠肉瓜重有薯粉，每样食物都吸哂啲汁，而且好淋好好味，而薯粉亦都好弹牙添！我地今次嗌左小辣，已经觉得岩岩好，唔会比个辣抢哂啲味。芝士拉丝饭卷饭卷入面有酸萝卜、红萝卜、青瓜、火腿同蛋，饭卷嘅表面加左一层芝士，食落口感冇拉丝，但所以配料绝对冇偷功减料，呢到已经加哂分啦！而且卖相非常精美，岩哂打卡。巨锋提子梳打大大杯，劲解渴，而且又唔会死甜，夏天整返杯简直一流！