飯團君 (已結業)

旺角中心嘅飯團君真係一間好有特色嘅店，專門提供各式各樣嘅飯團，而佢哋嘅飯團全部都用紫米製作，健康又有營養。紫米嘅顏色靚，口感亦特別，食落去有種嚼勁，令人一試難忘🤤今次我點咗幾款唔同口味嘅飯團，首先係吉列豬扒芝士飯團。呢款飯團外面包裹住金黃酥脆嘅吉列豬扒，內裡仲有濃郁嘅芝士，咬落去即刻流出來，味道香濃，真係好滿足！紫米飯團同豬扒嘅搭配，令整個飯團更加豐富🤤👍接住係八爪魚飯團，呢款飯團用咗新鮮嘅八爪魚，肉質鮮嫩，配合特製醬汁，味道鮮美，仲有本身飯團嘅青瓜絲、肉鬆及油條脆脆，食落去非常開胃😋最後，我試咗雞扒飯團，雞扒煎得剛剛好，外脆內嫩，搭配紫米飯團，味道清新又唔膩🤤講真，旺中呢間飯團君嘅紫米飯團真係好有創意，唔同口味都好吸引，全部都能夠帶來唔同嘅驚喜，值得一試🙌💯下次試埋佢哋嘅豆漿先☺️📍飯團君 (旺角)旺角彌敦道688號旺角中心第一座1樓F88A號舖#飯團 #紫米飯團 #旺角美食 #人氣餐廳 #美食推介 #yummy #旺角中心美食 #旺中美食