金龍華美食廳 (已結業)

昨日（24/9/2021）到這食店，食個早餐。這食店轉手無耐，就試下。店內座位不多，店外就有3枱，還可以再加。今日氣溫無咁熱，坐店外都有幾個人，路過見食物都唔錯。早餐選擇都多，價錢同附近食店差唔多。點了兩個醒晨早餐A）沙爹牛肉米粉跟餐肉炒蛋多士，牛肉得三片，份量不多，餐肉就幾厚，多士脆口。C）鮮茄湯牛肉米線跟煎雙蛋多士，相比沙爹牛肉碗米粉，喱碗明顯多牛肉，再配蕃茄湯，個樣勁OK，食落都唔錯，蕃茄湯好濃，牛肉好滑。