太興 (黃埔天地)

营业中

休息中

太興除做燒味外，朝早有做早餐，今朝嚟開黃埔試一試。打開餐牌，早餐選擇頗多，價錢三四十蚊算親民。⭐️火腿通煎蛋配多士味道ok，火腿通較茶餐廳大碗之餘有生菜同大量火腿絲，值得一讚👍🏻⭐️雙拼三文治自選兩種餡料揀咗炒蛋同芝士，炒蛋同三文治一樣厚，入口唔會太乾或散開，口感十足。⭐️凍檸茶跟餐推介叫凍檸茶，茶味香濃，檸檬份量足，喺芸芸紅磡餐廳中算係做得比較出色。總括嚟講，地方闊落價錢親民味道ok份量足，性價比不俗，難怪一早坐滿人。