好少會去到過海食飯，
不過今日有例外啦😏，
同完寶仔食完飯，
佢就帶我去左日本大阪過江龍「雪ノ下 」食甜品，
「雪ノ下 」登陸銅鑼灣希雲街兩年，
我都係第一次知道有呢間舖頭～😂😂
不過佢4月4日就結業了。
「雪ノ下 」主打日式厚燒班戟和刨冰，
所有食材都標榜由日本進口，選料認真。
呢到有每人嘅最低消費，
所以每人都要order一份先得呀！
黑朱古力班戟（$88）
班戟即叫即焗，上枱嘅時候熱辣辣，香噴噴，
未食已經流晒口水～
班戟足足有4cm厚，質感比較紮實，
加入左瑞士72%黑朱古力，好香濃嘅朱古力香，
配上士多啤梨醬，酸酸甜甜，配搭得幾好！
草莓牛奶刨冰🍧（$78）
刨冰用日本低鈣、低鎂離子含量嘅天然軟水和霧島牛奶製作，
質感真係細滑，牛奶味唔會被覆蓋，
不過草莓🍓味唔算好突出，還可以吧。
