櫻之亭和風日本料理 (已結業)

對一個宅毒男黎講，放假會去高登黃金行，係好合情合理既節目咁睇下電腦同配件，睇下遊戲機同game，真係消磨到大半日。尤其係呢家有消費卷，更加想買啲之前想又唔捨得買既野啦咁行左陣，到3-4點，覺得餓餓地，就喺附近搵野食，經過呢間，見到佢地可以用消費卷比錢，門口睇餐牌又覺得ok，就入左去，不過我今次黎食，冇下午茶時間，都係叫lunch set。咁入到黎，叫左個三文魚加魚子飯，同一個滑蛋牛肉飯。lunch set係有個蒸蛋同麵豉湯。蒸蛋幾滑，入面有蟹柳同日式魚蛋，唔錯。麵豉湯飲落一般，覺得味道偏啖，應該係普通沖粉整。三文魚有加條蟹柳同玉子，個人覺得怪怪地，不如改做加多塊三文魚好過，可能想比人感覺靚啲豐富啲掛。滑蛋牛肉用鍋裝，飯另外上，唔係其他餐廳做定食咁，蛋好夠滑，牛肉就係普通打邊爐既肥牛，不過味道都ok既，湯底就偏咸，飲左少少，用黎撈飯幾好，話咁快就ko左碗飯（但仲剩半鍋蛋牛）個人覺得好食過三文魚飯。餐飯幾滿足，味道合格，係覺得冇下午茶餐比較可惜（純個人觀點）。所以tea time先咁多吉位。（隔條街，文記嗰邊幾間鋪都有好多人排隊）