黃仔記

喺熟食中心隨便是但揀一間，見呢間多人食嘅就坐底左。午餐叫咗個黑椒汁什扒飯同熱奶茶。對熟食中心冇乜要求，但今次真係有啲覺得有d 難食。

個黑椒汁完全唔似黑椒汁，只係個有少少味嘅有色芡汁，冇任何黑椒應有嘅香辣。豬扒算係正常，但油多得滯，流到成碟都係。雞扒嘅雞皮煎得幾香脆，可惜雞肉雪藏味非常濃。最好食嘅反而係最基本嘅火腿、腸仔同煎雞蛋，至少係預期之中嘅味道😅。個飯有啲煮糊咗嘅感覺，口感唔太好。唯一要讚嘅係，有幾條生菜，叫做加返少少清新感。

杯熱奶茶係正常發揮，茶味同奶味都平衡嘅。

總括來講，味道唔ok，份量係足嘅，只為飽肚嘅係可以嘅。