民華餐廳

营业中

休息中

夜晚就去叫咗個常餐食 發現炒蛋入面有隻昆蟲🤮都明白飲食業有時真係會唔小心有昆蟲跌咗落食物度 但職員嘅處理手法真係令我大開眼界🙏我講咗好耐先有人理我之後好正常佢哋問我想點樣處理 當你見到呢個情況你都冇胃口我就問佢可唔可以取消咗佢算 點知佢哋「好好人」自作主張換咗個叉燒蛋飯俾我😅就係唔想食飯先會叫常餐都算 常餐本身有跟嘢飲但飯係冇嘢飲包 最後埋單要我比個飯錢+16蚊飲品錢 問佢仲大條道理同我講飯係冇包嘢飲所以要俾正價 飯錢我俾返冇所謂 但嘢飲本身係因為個餐有跟我先叫 而家係因為你餐廳嘅失誤叫我轉另一款食物仲要收返新食物嘅價錢同正價飲品價格我真係唔理解🥲我黎一間餐廳食嘢食唔到自己想食嘅嘢你哋仲要安排啲我唔想食嘅嘢 仲要我為你哋嘅失誤埋單？到最後好唔情願咁樣話唔使我俾正價啦 唔知我仲以為係我自己嘅問題🙏