許留山 (已結業)

係尖沙咀食完飯後行左陣又想食d甜品先返歸，就去左許留山，一心諗住唔太貴，入到坐底嘩左一聲，原來尖咀呢間既價錢係比其他分店貴$20至$30左右，即就係機場價，有埋會員咭折扣都係貴，不過坐底左就算數，叫左楊之金露珍寶套餐、多芒小丸子同咖哩魷魚蘿蔔，個珍寶真係好大，3個人一齊食都得，食落好香芒果同柚子味，而奶既比例都好適中，令口感好滑同清潤，亦都唔太甜，愈食都覺得好食，另小丸子就好有咬口，不過如果能夠煮耐少少就更加好，同埋真心覺得個雪芭唔好食，無味之餘，又太凍，成日都係食唔到，要等到最後先食到，但去到最後又已經唔想食，轉左做芒果雪糕效果應仲好味，止於咖哩魷魚蘿蔔就仍舊入味，成餐宵夜就係價錢太貴，其他還可以~