訂咗位8:30 ，佢都唔算多人。佢有$600幾蚊嘅二人套餐。頭盤至甜品，都算幾抵食。仲有幾款可以選擇。但係我同朋友都想試唔同嘅所以最後冇選擇到。
上網見佢個慢煮牛面頰好吸引就叫咗一個。佢係夾住西瓜，辣辣甜甜咁咁幾好食，不過就爭小小牛味
花雕蛋，酒味好濃，仲要係糖心蛋。出奇地好食，不過如果唔鍾意酒味嘅就可能嫌佢太濃
陳皮咕嚕肉，呢個真係冇得輸雖然好似家常小菜但佢嘅肉非常嫩，陳皮好香一啲都唔苦。真係要叫！
鮑魚椰皇雞燉湯！椰皇非常之甜！佢係連南北行都入口即溶即係證明佢燉左好耐！
相比起其他餸菜片皮鴨冇咁出色比較一般，但係現場即烤，所以比較需時最好前一日預訂。現場order 大概要等一個鐘
