貢茶 (匯景花園) (已結業)

又多一个选择 唔洗等 好方便一直想试系蓝田汇景开左一排既呢间贡茶，今日难得早收工经过就去买杯野食汇景呢边既台式饮品店好似都开过唔少，不过只有歇脚亭，但收工时间经常好长龙。呢间贡茶系四楼比较入既位置但沿途好多指示都几显眼。 一望个menu同counter 下面贴住劲多张既推广饮品， 点拣呀？ 经过一轮纠结同店员友善推介就拣左杯芒果Q绿小冰，唔知系咪间间分店都只收现金，呢样野就有少少唔方便（我一般都没有现金在身试，唯有同朋友借）等左唔够三分钟就有饮品啦， 无叫少甜既果味茶系偏甜既不过我就好钟意， 朋友叫左杯少甜既Q绿，甜度都好岩佢要求。放工时间呢排既客量唔算多，虽然只得一个店员但等候时间超快， 店员非常亲切友善（好有耐性地讲解饮品卖点）另外， 店面贴住一张纸写住可以whatsapp 或wechat落单， 应该系想吸引附近商户，呢个服务都几方便，到达前落单，咁一到就有得拎饮品。总括来讲，环境干净/服务良好/选择非常多/等待时间短/价钱尚可/饮品质素高very good Save底电话，下次经过都可以黎买饮品！