881包子

营业中

休息中

接朋友放學嘅時候，就發現咗大學站新開咗依間881包子店，就喺B1出口，地鐵站左手邊直行就見到。佢裏面有好多唔同種類嘅包，而且亦都有新品，真係會食唔厭，亦都可以隔住個玻璃窗望住佢地整包，真係令人覺得好安心。去到店嘅時候，都見到好多其他大學生一齊買，搞到我自己都覺得自己好青春😂包嘅味道都唔錯，我就叫咗一個標準套餐有四個包一杯豆漿或者小米粥仲有一份小食同涼菜非常之夠飽，佢嘅份量無論係當午餐定晚餐都好啱食。