素年 (三陂坊)

今次我地嚟到位於荃灣三陂坊嘅”素年”🥬，係一間以簡約文青風格為主嘅素食餐廳。木質與白色系嘅裝潢設計，營造出舒適悠閒嘅氛圍😊。店鋪雖不算大，但清幽隱蔽嘅位置反而多了一份寧靜感，非常適合朋友聚餐或打卡拍照🪁。  
-
素年經典不可能肉醬意大利粉🍝 - HKD98  
意大利粉🍝一上枱就散發著濃郁嘅番茄肉醬香氣！入口後酸甜開胃嘅醬汁搭配埋仿肉粒，質感真係幾可亂真😎，就連芝士🧀嘅搭配也恰到好處，唔講真係食唔出依道肉醬意大利粉係素食呀！ 少食素食嘅我地真係覺得幾震撼！唯一小缺點是醬料偏甜，但都係可接受嘅範圍😜。  

素年經典不可能肉醬意大利粉

-
日式咖哩吉列豬扒意大利飯🍛 - HKD118  
吉列豬扒🐷外脆內嫩，口感與真豬扒幾乎係無分別，意大利飯搭配香甜嘅日式咖喱汁🍛，再以蘋果片🍎平衡味道，口感層次豐富。食落口每啖嘅意大利飯都充滿咖喱香，配上蘆筍、車厘茄等配菜，每一口都讓人十分滿足😋。  

日式咖哩吉列豬扒意大利飯

$118

-
總括嚟講我地覺得”素年”絕對能改變你對素食嘅睇法🤤，即使非宗教或健康因素，間唔中嚟一餐愉快嘅素食都可以減輕腸胃嘅負擔💪🏻。而且素年嘅食物質素唔錯、份量足，加上舒適嘅環境，難怪可以成為不少都市人嘅素食首選。如果大家都想試下素食，不妨考慮一下啦🤗~