敏華冰廳 (圍方)

营业中

休息中

門口等咗好耐，見到係咁有人買單啲員工都唔叫我地入去，覺得好奇怪，就行前問咗一個後生的男性員工，可唔可以入去睇睇有無空檯，我已經排咗好耐，佢話有空位你都要等位架（我排第二個，排我前面係四人一檯，）我話咁你單人檯咪可以叫我地呢種先入去咯，（之前係旺角，沙田，紅磡，又一城都係咁架喔）乜唔係茶餐廳一直都係咁架咩？？？我真係莫名其妙，跟住他終於肯叫號喇，前面四個人大檯無位，咁第二個就係我，其實買單收銀旁邊已經有打印好的二維碼單，即係早就可以叫後面的人入去喇，我準備入去佢仲要吋我，你確定你係排呢度吖呵？放心，我唔單止確定我排呢度我仲確定我以後唔會再幫襯你地添！趕住返工唔想浪費時間同你地喋，我真係唔知你地係故意要客人等定係存心偷懶。