影片
更多
2013-02-09
438 浏览
約左好朋友食飯~好想食火鍋~原本諗住去小羊羊,最後朋友推介去呢到~佢話佢之前食過都唔錯~!難得朋友有提議,我一定會全力支持~~!點知中招…朋友訂左枱,我打算早少少囉位坐定定等佢, 點知門口部長先生話要人齊先準入,如果唔係就照計鐘,當時我先知係有限時90分鐘 !! 我即時問佢可唔可以加錢延時, 佢話唔得,訂枱好爆,一定要離坐.. @__@ 態度真係’’好’’到唔可以相信~!! 由於朋友已經黎左,又唔想再諗第二到, 終於叫自己’’放開心境, 多加嘗試’’場內比較昏暗,空間唔太大,一入門口就見到可以拎食物既地方,原來除左肉食之外,有部份火鍋材料係自助形式咁任食,長長的BAR枱,放左十几二十款食材, 主要係魚蛋,墨丸,芋絲,蕃茄,南瓜,仲有豆腐同D睇唔出既魚片~樣樣都好的式,細細粒,D丸大約係粒白鳳丸咁上下SAZE, 蕃茄,南瓜就大約係一個蕃茄一開六咁上下大細…真係巧刀功~!旁邊仲見到調味架,有豉油, 生蒜, 蔥花, 指天椒比家享用..好china feel座位好迫,D枱好細,放左個鍋同筷子碗之後放食物既地方唔多~唔該大家要小心少少, 唔好拎咁多食物,而且鑲梗晒喺地下冇得移動, 朋友肥少少都几
佢話佢之前食過都唔錯~!難得朋友有提議,我一定會全力支持~~!點知中招…
朋友訂左枱,我打算早少少囉位坐定定等佢, 點知門口部長先生話要人齊先準入,如果唔係就照計鐘,
當時我先知係有限時90分鐘 !! 我即時問佢可唔可以加錢延時, 佢話唔得,訂枱好爆,
一定要離坐.. @__@ 態度真係’’好’’到唔可以相信~!!
由於朋友已經黎左,又唔想再諗第二到, 終於叫自己’’放開心境, 多加嘗試’’
場內比較昏暗,空間唔太大,一入門口就見到可以拎食物既地方,
原來除左肉食之外,有部份火鍋材料係自助形式咁任食,
長長的BAR枱,放左十几二十款食材, 主要係魚蛋,墨丸,芋絲,蕃茄,南瓜,仲有豆腐同D睇唔出既魚片~
樣樣都好的式,細細粒,D丸大約係粒白鳳丸咁上下SAZE,
蕃茄,南瓜就大約係一個蕃茄一開六咁上下大細…真係巧刀功~!
旁邊仲見到調味架,有豉油, 生蒜, 蔥花, 指天椒比家享用..好china feel
座位好迫,D枱好細,放左個鍋同筷子碗之後放食物既地方唔多~
唔該大家要小心少少, 唔好拎咁多食物,而且鑲梗晒喺地下冇得移動,
朋友肥少少都几難攝入去座..都唔洗佢出出入入囉食物..
一坐落就冇乜服務, 一睇餐牌有三個唔同價錢,三款唔同豬牛鷄肉配搭選擇,決定左一個冇得轉款
冇得睇版冇得試食..我同朋友都叫左個中價牛+豬+豬(豬的兩款唔同部份)試一試,
由於朋友唔係咁食得辣, 所以我地叫左個蕃茄湯底
原先諗蕃茄湯底點都有返一堆蕃茄呀菜呀豆腐呀咁上下滾下滾下咁拎上黎,
點知原來係我諗得太多~
上枱一鍋紅水,就好似茄汁加水咁既樣,仲一D都唔熱,即係有排等~
好快服務員就上晒我地D牛肉放晒喺枱面,有得睇冇得食,
朋友建議拎住D熟食食住先..當晚熟食居然係有日式咖哩牛肉飯~~!!果然係賣牛既地方~!
出去諗住拎少少返黎試下~成兜都係咖哩汁同細細粒薯仔同蘿蔔粒,搵黎搵去都搵唔到有牛肉’粒’,
算~都拎左少少返去試味…結果令人失望..感覺就好似食芡汁咁,一D咖哩味都冇,
好肚餓都好,都唔係咁想食佢..
我地放左好多番茄豆腐魚蛋喺個鍋到等佢滾下出出味~(突然間覺得好中式~)
終於水滾~可以開動~!!
中價牛肉紅紅的,睇落都唔錯，睇落同中式酒樓的雪花肥牛唔同,而且都算大碟,一碟有十几塊,
砌得好薄, 一下子就熟可以食得.!只係食落去冇咩牛味..可能熟左之後太細塊,感覺唔知食緊乜野咁~
豬肉有兩款,都係出現同一情況,建議大家煮既時候三四塊咁一次過放,之後一次過食,咁口感會好好多!
無疑雪糕部份係令人興奮!!! 10款haagen dazs 雪糕~~ 直迫出面專門店陣容~見到都開心~!!
仲有棉花糖,朱古力粹,杏仁粹,任君選擇!!
只要你有耐性時間慢慢’畢’! 真係會食返本…可恨我冇呢種緣份,,因時間關係,一個都食唔到~
叫左三四轉牛豬豬,服務員已經過黎同我地講差唔多時間~ !!!
當時只係8:30!!計過時間我地應該係食到9點正~! 再過冇耐又走過黎同我地埋單
總之每過几分鐘就會過黎搞搞你~感覺真係好討厭! 你話佢又唔係,唔講佢又…
總括…係我錯!!同個長氣朋友食飯打邊鍋,係唔應該搵有時間限制的..之後我地仲要去第二到食甜品!!
张贴
