金鑽名軒 (已結業)

肚餓，等唔到佢既下午茶時段（1:45入座），貴少少照食佢既午茶時段。搭𨋢上左二樓細廳，冷氣好行，正。我地四個人叫左六個點心加一個炒飯。好滿足，食到好飽。金鑽蝦餃皇：皮薄，入面好多粒蝦肉，入口淡淡肉，好味。蟹籽燒賣皇：正常既豬肉燒賣雞包仔：真係有雞肉架，熱辣辣，ok鮮蝦餅：啫係煎粟米蝦餅，好香口，幾彈牙煎蝦米腸：煎過腸粉，係香口d，除左點豉油，我中意沾滿甜醬同花生醬，好味好多。原籠馬拉糕：又係熱辣辣出爐，好鬆軟。石鍋鮑魚雞粒炒飯：呢個炒飯夠晒乾身，真係有粒鮑魚架，仲有好多雞肉、菜心頭同蔥，鍋底既飯仲燒到脆脆地。如果你係飯焦迷，你會中意佢。