影片
更多
2016-03-11
1949 浏览
每个月都总有一次会同家族一齐Gathering，呢日就一齐嚟小肥牛，呢到除咗有火锅食之外，亦有九层塔，不过就要预先晌Book枱个阵订定。由于我地有10个人，去到比咗间大房我地，虽然打咗成晚边炉，但通风系统唔错，无成阵味。话明九层塔，的确有9层，最上层为沙蚬、第2层为花蛤公、第3层马刀贝、第4层鲜元贝、第5层沙巴肉、第6层波士顿龙虾、第7层什蟹仔、第8层鲍鱼、最后为太平洋海螺锅，每个九层塔$988建议4位用。一开始嚟到时放咗个温度计，大约等10~15分钟，当个温度计达97度先有得食，食的次序由上而下。最上层的沙蚬，鲜味度佳，不过部份有沙，大约每人吃到3~4只。花蛤公似系大的蚬，鲜味不及沙蚬，有点韧韧地，靠自己食个阵自行落调味料调味。之后系马刀贝，肉尚算大大粒，有咬感。抢食到第4层鲜元贝，岩岩好每人一只唔洗争啦! 元贝肉易起，不过就唔称得上算大粒，入口软腍但Juicy度一般。沙巴肉即系鱼，味道最唔错，爽身鲜味。跟住系波士顿龙虾，食得比较麻烦，又无咩肉，好一般般。什蟹仔有2只，因我地叫咗2个九层塔，超奇怪，一边系毛蟹，一边系花蟹，大细唔同，而店员话价钱一样。蟹又真系壳仲多过肉，比起龙虾更无咩
由于我地有10个人，去到比咗间大房我地，虽然打咗成晚边炉，但通风系统唔错，无成阵味。话明九层塔，的确有9层，最上层为沙蚬、第2层为花蛤公、第3层马刀贝、第4层鲜元贝、第5层沙巴肉、第6层波士顿龙虾、第7层什蟹仔、第8层鲍鱼、最后为太平洋海螺锅，每个九层塔$988建议4位用。
一开始嚟到时放咗个温度计，大约等10~15分钟，当个温度计达97度先有得食，食的次序由上而下。
最上层的沙蚬，鲜味度佳，不过部份有沙，大约每人吃到3~4只。
花蛤公似系大的蚬，鲜味不及沙蚬，有点韧韧地，靠自己食个阵自行落调味料调味。
之后系马刀贝，肉尚算大大粒，有咬感。
抢食到第4层鲜元贝，岩岩好每人一只唔洗争啦!
元贝肉易起，不过就唔称得上算大粒，入口软腍但Juicy度一般。
沙巴肉即系鱼，味道最唔错，爽身鲜味。
跟住系波士顿龙虾，食得比较麻烦，又无咩肉，好一般般。
什蟹仔有2只，因我地叫咗2个九层塔，超奇怪，一边系毛蟹，一边系花蟹，大细唔同，而店员话价钱一样。蟹又真系壳仲多过肉，比起龙虾更无咩肉食，又唔鲜味。
尾二个层的鲍鱼真系好失望，硬得过份，好似食紧砖头咁，完全无弹力。
食晒所有最后为太平洋海螺锅，我哋就点咗唔同的火锅食物，当打边炉咁食，其中梗系要试下呢到D牛啦。点咗$128美国雪花肥牛，好薄质感仲有D鞋，真系唔得。10个人食咗$3500几蚊，都叫食蒸炉的正常价，但整体食物真系好一般，呢个价钱去其他蒸炉店食反而会仲好。
张贴
