Mansons Lot (汕頭街)

营业中

休息中

今日揾左间系湾仔嘅餐厅，算系闹市嘅小净土，餐厅附近有唔少嘅coffee shop，或者酒吧。今日就拣咗呢一间试一试。三文鱼奄列：🅰️🅰️🅰️🅰️🅰️蛋好厚，烟三文鱼份量多，轻轻嘅烟熏味同蛋好夹。蛋无过熟，仲有少少蛋汁流出😍必食之选！扇贝意粉：🅰️🅰️🅰️🅰️🅰️意粉无过熟，有Al Dente，净系个意粉已经有质素👍🏻。特别要留意下呢款粉有少少辣度但配埋海鲜又几夹😋带子厚肉无话煎到过熟，几好朱古力布朗尼配云妮拿雪糕：🅰️🅰️🅰️🅰️热辣辣嘅布朗尼再加半融嘅雪糕，真系无得输，作为全餐最后嘅甜品好满足。呢度仲有唔少特色饮品，我地叫左杯红嗓子茶同埋Tonic Espresso Bomb，特别想提下后者，因为可以好似饮cocktail 咁丢杯Espresso 落Tonic水度，玩味同味道都十足😎。总括嚟讲，呢间系大厦林立嘅湾仔闹市，有间可以悠闲地饮杯酒/咖啡，再食一餐有质素嘅晚餐，非常适合一众附近工作嘅打工仔嚟试下！推介畀大家！