餐牌都唔少選擇
我上次食過一次，湯底每款都想試，因為好足料，以前以為打邊爐最緊要料靚，食完呢間我會明白湯底值得比錢！今次試兩種味，因為唔太食得辣！我本身食得，身體差戒左，今次叫少辣，已經有明顯辣味，我放塊薄薄嘅白肉煲好耐，食落肚係滾滾的！湯底有陣好香嘅藥材味，酸菜白肉都好香，酸菜惹味，不過好似冇藥材味，暫時覺得最正都係上次的寧神養生鍋，香濃甜，飲左好多碗。同大家講聲呢度加湯唔係清水唔係高湯，真係加原底隻湯，加完仍然原汁原味！
呢個網好有用，唔怕飄走，放好多野落去都得！
茶係烏龍茶，夠濃！apple soda唔好睇佢國貨樣，飲落口正常好飲，解辣一流！
醬油自己出去拎，餐廳左右都有，個人覺得因為湯夠濃，都冇咩點到！
叫鴛鴦鍋可以免費揀要多份鴨血點酸菜白肉，亂揀！講真其實兩樣都好！酸菜惹味，白肉爽彈，鴨血夠實好咬口！
豆腐要$38蚊好唔抵，百福是也，想食冇計！
1
雜菌種類多
牛肉超好食，好多塊，香牛肉味，中間有點牛根似的，索晒濃湯，一流！計番半價的話抵！
牛丸唔係粒粒都有芝士，不過冇所謂，不是重點，重點係丸身，做到不只彈，而且有牛肉味！最好味最驚喜係梅菜肉丸，好香梅菜味，梅菜同豬肉味完全融入，丸身同樣彈牙！
星期日，有個重任要出一出街，仲差d番唔到屋企，幾經辛苦歸家，要食好d奬勵自己！提一提，唔知係咪呢日香港太亂，服務生大多冇表情，聽完你講咩唔應你但又會做你想要嘅野，搞笑
