陳漢記 (已結業)

居然要系门口排队，仲要排晒长龙，吓得我鸦！我去错左一兰？转眼两年无帮衬，因为都好少出大埔墟喇，大部份时间都系大埔中心附近。今晚巧遇教头老板，无见段长时间难免有点生疏陌生。廿岁时晚晚系附近波楼、酒吧留连必定黎帮衬，同教头老板、粥佬、肠粉佬、阿正、阿肥、阿细、阿七、小强、等等，嘻嘻哈哈 ﹗收档拉闸齐齐劈酒猜梅掟镖玩天光！劲癫劲好玩，不过依家已经各散东西喇！叉烧肠，卖相依旧 very good！叉烧味浓香甜有咬口。肠皮薄一薄，完全 see through 立立令，但质感太粉而黏口，无左滑嘟嘟既感觉，变了？蒸耐左？今次失准㖞。而且落得太多油，食到成口油淋淋，多油唔一定系滑架。点解唔见肠粉佬呢？转左位大婶拉肠粉？好惊啰，唔怪得质数变左啦。牛膀牛腩伊面走葱，膀腩都好好味！教头系大埔几十年屹立不倒、生意越做越旺梗有原因既。牛腩够腍够滑又无渣，卤水香料占据每一个细胞，一咬爆汁 ﹗牛膀好棉滑又咽韧啊，炆得入味又够鲜。伊面软硬适中，最怕烚到无味又腍劈劈，满意！不过美中不足系个汤清淡左少少，好采有唔错既辣椒油打救，微香微辣，合格。仲有碟通菜同芥兰怪住食无影相添，同样好鲜嫩爽甜，高质！牛腩牛肚面走葱，全部金钱