首爾石鍋燒

营业中

休息中

话说呢2日要去旺角上堂，作为孤独的美食家就当然揾下附近有咩好野食啦，平时都好少出城食野，中午放饭又唔想食茶仔咁普通，食特别野又贵，就俾我揾到呢间首尔石锅烧，睇过下价钱一个午餐都系$5x-6x，算几经济，黎到门口有部电视播住kpop既mv，如果要排队都有d野睇下无咁闷。呢间都系小店一间，店内坐位都排得几密，中午1点左右黎到都已经爆晒场我一人要搭枱，店内都播住d kpop歌唔会好大声，但就无mv睇啦。萝白粟米蛋白豆腐汤午市跟餐送既餐汤，口感比较厚身，味道我个人不太喜欢，怪怪地，又萝卜又蛋白咁，饮左2啖无饮了，泡菜烤肉豆腐锅转乌冬食韩国餐最基本就当然系泡菜汤啦，泡菜汤锅非常滚热，泡菜豆腐猪肉片做配菜，仲有只已打落去既生蛋冚埋左捞一捞先见到，材料算几足，另外今日唔多想食饭就转左乌冬加5蚊，乌冬就唔算系烟韧果只，但都ok，韩国汤锅黎讲呢份叫合格啦，餐仲有包饮品，冻饮加3蚊要冻柠茶，无影到相，无乜特别就唔多介绍啦。以今日既体验黎讲环境食物同价钱都ok既，如果再黎旺角都可以返食，服务方面就女店员既态度会比较好少少，同场有1-2位男店员唔知系咪比较忙就粗声粗气少少，呢方面要留意下啦。