名豪海鮮酒家 (已結業)

依排乜嘢都话贵咗，样样嘢都加价，但系街坊酒楼仲会揾到D抵食晚市套餐，再者，依头唔系旺区，晚市都比较静D，所以，价钱会做得梗抵去吸引人。约咗屋企人晌依度食饭，有几款晚市套餐都几OK：平嘅A餐$168（3𩠌1老火汤），贵少少嘅B餐$228（4𩠌1老火汤），贵嘅C餐$338（4𩠌1炖汤），另加小菜都系收$38碟！我哋拣咗A餐，有霸王花煲唐排老火汤、生炆班腩煲、咕噜虾球同咸鱼茸炒白菜仔，另外加多个栗子滑鸡煲。每样嘢嘅份量都唔少，好似个老火汤，无味精，一大瓦煲，足足装到7、8碗咁多。而几款小菜都唔错，好似两个煲仔菜「生炆班腩煲」同「栗子滑鸡煲」，上枱时够晒热辣辣，滋滋声，D栗子又够粉香；「咕噜虾球」D虾球大大只，都几弹牙，味道酸甜适中；而个「咸鱼茸炒白菜仔」有咸鱼嘅咸香，好惹味！计埋白饭、茶芥，都系三旧水，绝对抵食！